មានមនុស្សជាច្រើនចង់រស់នៅឱ្យបានយូរ តែមិនដឹងពីរបៀបថែសុខភាពឱ្យបានល្អ។ មនុស្សដែលមានអាយុវែងតែងមានរបៀបរស់នៅខុសៗ គ្នា។ លោកវេជ្ជបណ្ឌិត Shigeaki Hinohara ដែលមានអាយុ ១០៥ ឆ្នាំ ដែលប្រជាជនជប៉ុនគោរពស្រឡាញ់រូបគាត់ជាខ្លាំង។ បើអ្នកចង់មានអាយុវែង អ្នកត្រូវដឹងរឿងមួយនេះ?
លោកវេជ្ជបណ្ឌិត Shigeaki Hinohara ជាគ្រូពេទ្យជប៉ុន និងជាអ្នកជំនាញមានអាយុវែង(ជាអ្នកនិពន្ធសៀវភៅអាយុវែង) ដែលទទួលមរណភាពក្នុងអាយុ ១០៥ ឆ្នាំ។ គាត់បាននិយាយថា “អ្នកកុំឈប់សម្រាក អ្នកត្រូវបន្តវាធ្វើវាទៀត។” ពេលគាត់មានអាយុ ៦៥ ឆ្នាំ គាត់មិនបានចូលនិវត្តន៍នោះទេ។ តាមទស្សនៈ លោកវេជ្ជបណ្ឌិត បាននិយាយថា “ អ្នកមិនចាំបាច់ចូលនិវត្តន៍ទេ អ្នកធ្វើត្រូវបន្តធ្វើអ្វី ដែលអ្នកស្រឡាញ់ ទោះបីអ្នកអាយុ៦៥ ឆ្នាំហើយក៏ដោយ អ្នកត្រូវធ្វើវាបន្តទៀត។” ទោះបីគាត់មានអាយុច្រើន តែគាត់បានធ្វើការ ១៨ ម៉ោងក្នុងមួយថ្ងៃ។
នៅសព្វថ្ងៃនេះ ប្រជាជនជប៉ុន រស់នៅបានយូរជាងនេះទៅទៀត៖ ស្ត្រីជនជាតិជប៉ុន គិតជាមធ្យមក្នុងការរស់នៅដល់អាយុ ៨៧ ឆ្នាំ ហើយបុរសមានអាយុដល់ ៨០ ឆ្នាំ។ លើសពីនេះទៅទៀតក្នុងរយៈពេល ២០ ឆ្នាំនេះ យើងនឹងមានមនុស្សប្រហែល ៥ ម៉ឺននាក់ដែលមានអាយុលើសពី ១០០ ឆ្នាំ” ។
តាមលោកស្រី Suze Orman ជាជំនាញផ្នែកហិរញ្ញវត្ថុនៅសហរដ្ឋអាមេរិកបាននិយាយថា “ប្រជាជនអាមេរិកចូលនិវត្តន៍នៅអាយុ ៦៥ ឆ្នាំ។ តាមការស្រាវជ្រាវពីប្រជាជនអាមេរិកមាន ៥០% អាចការរស់នៅក្នុងអាយុ ៩០ ឆ្នាំ។ ការចូលនិវត្តន៍នេះ ដោយមិនធ្វើការកិច្ចការ វាមិនមែនជារឿងនោះទេ។”
ការថែសុខភាពឱ្យរឹងមាំ និងមានថាមពល នៅពេលអ្នកមានវ័យកាន់តែចាស់ ជាគន្លឹះអ្នកត្រូវហូបអាហារល្អចំពោះសុខភាព ធ្វើចលនារាងកាយ និងគេងឱ្យបានគ្រប់គ្រាន់។ វេជ្ជបណ្ឌិត Shigeaki Hinohara មានប្រសាសន៍ថា“ ថាមពលកើតចេញពីអារម្មណ៍ល្អ។ យើងទាំងអស់គ្នានៅចងចាំពីកុមារទេ នៅពេលយើងសប្បាយ យើងតែងតែភ្លេចញ៉ាំ ឬគេង។ ខ្ញុំជឿជាក់ថាយើងក៏អាចរក្សាអាកប្បកិរិយាបែបនេះបានដែរ។” លោកចង់បញ្ជាក់ថា ការមានអារម្មណ៍ល្អ អ្នកត្រូវអ្វីដែលអ្នកស្រឡាញ់ពិតប្រាកដ ដូចជាអ្នកក្មេង អ្នកសប្បាយចិត្ត ពេលកំពុងតែលេង។ លោកបាននិយាយថា ការដែលអ្នកមានអារម្មណ៍ធុញទ្រាន់ច្រើន គឺមកពីអ្នកមានវិន័យច្រើនពេកដែលសង្គមមានឥទ្ធិពលលើអ្នក។
តាមការស្រាវជ្រាវរបស់លោក Dan Buettner ជាអ្នកនិពន្ធសៀវភៅ Blue Zones ពីមនុស្សរស់នៅបានយូរជាងបានសរសេរថា “ការមានគោលបំណងក្នុងជីវិតរបស់ជនជាតិជប៉ុននៅលើកោះអូគីណាវ៉ា គឺពួកគេគ្មានគំនិតចូលនិវត្ថន៍នោះទេ។” ពួកគេបន្តធ្វើអ្វី ដែលពួកគេកំពុតែស្រឡាញ់ ហើយកិច្ចការទាំងអស់នោះ មានការចូលរួមក្នុងសង្គម នេះជារឿងដែលធ្វើឱ្យពួកគាត់មានអារម្មណ៍សប្បាយរីករាយបំផុត៕